۴ مرداد ۱۳۹۰ده گؤنده ریلیب
وطن سرحددي
وطن - تورپاغيمدا,
وطن - ئوزاقدا
طالئيين سونوجو قازديغي تورپاق,
وطن - تانري يازان آلين يازيمي
سيليب باشداشيما يازديغي تورپاق.
وطن - عومرون سونو,
تورپاغين سونو.
اولومسوز تورپاغين سون حددي يوخدور.
“سرحدده قدردير وطن” دئين‌لر
منيم وطنيمين سرحددي يوخدور.
سرحد ديركلري - بيتمميش اومور…
ايتيب اوغوللارين گئتدييي يئرده.
بيتيب وطنين‌دن ئوزاق وطنچون
بير عومرون ياريمچيق بيتدييي يئرده.
قالان عومرونو ده وئريب وطنه
ئوزاديب وطنين عومرون اوغوللار,
مزار داشلارييلا اولدويو يئرده
سرحد ديريينه دؤنوب اوغوللار.
سرحد - وطنيمين چاتيلميش قاشي,
گؤزو گئدنلرين يوللاري اوستده,
بو تورپاق دايانيب ئولو بابكين
قوربتده كسيلن قوللاري اوستده.
بير سرحد ديريي نئيليه بيلر
بو خالقين, تورپاغين صبري اونوند?!
سرحد ديز چؤكمورمو, قوربتده اولن,
بؤيوك دوحالارين قبري اونوند?!
دارالسا دا قيسمن اوزونده تورپاق,
دوشسه ده وطنسيز ياغي الينه,
نسيمي دؤنوبدو وطندن ئوزاق,
وطنين ابدي “حقق” هيكلينه!
سرحد‌دن او يانا بؤيويور وطن.
ايچينده اوز دردي اوزونو ازير.
مين ايللردي ئولو دده قورقودوم
دونياني آتيللا آتييلا غزير.
يورد, وطن باشلايير “انا” آدييلا
قوشالاشيب سؤزه غلدييي يئردن,
بو تورپاق غؤتوروب “وتن” آديني
آناميز تومريسين اولدويو يئردن!
وطن - عومرون سونو, تورپاغين سونو,
اولومسوز تورپاغين سون حددي يوخدور,
“سرحدده قدردير وطن” دئميين
منيم وطنيمين سرحددي يوخدور!